خطوات نجاح معملك – 21 خطوة تضمن نجاح معملك ان شاء الله
خطوات نجاح معملك
لما فكرنا في رحلة نجاح اي معمل تحاليل طبية خاص ايه هي اهم النقاط اللي لازم يلتزم بيها عشان معمله يكون ناجح؟!.
وطبعا احنا بيكون لينا نظرة مختلفة شوية لأنها مبنية عن خبرة سنين وكمان من منظور عملاء كتير احنا اتعاملنا معاهم واتعلمنا منهم كتير.
وقدرنا نجمع نقاط مهمة المفروض ان كل المعامل الناجحة بتنفذها كلها او على الأقل جزء كبير منها.
البوست ده مهم لكل حد بيفكر يفتح معمل تحاليل طبية خلال الفترة القادمة اقراء للآخر…
:في كام نقطة كدة لازم تأخذ بالك منها:-
21 خطوة تضمن نجاح معملك ان شاء الله
١- خد وقتك في التفكير.
٢- اعمل دراسة جدوى المشروع أو دور على حد يساعدك.
٣- اختار مكان صح ومناسب.
٤- اهتم باختيار أجهزة مناسبة مش لازم اغلى حاجة تكون هي افضل حاجة لمعملك كل معمل ليه ظروفه.
٥- اهتم بالدعاية والمطبوعات.
٦- متنزلش أسعار التحاليل عشان تجيب العملاء.
٧- اعمل عروض تخفيضات لفترة محددة على الأسعار الطبيعية اللي تشتغل بيها.
٨- لا تقبل الفصال في أسعار التحاليل مهما كان.
٩-اعمل نسبة خصم خاصة للحالات اللي شايف انها تستحق وتكون من خلالك انت بس وغير مسموح لاي حد في المعمل بدون الرجوع ليك.
١٠- لازم تستخدم الوسائل المختلفة في الدعاية جرب كذا طريقة وحلل النتائج وشوف الأفضل وكررها.
١١- اختار شريحة او اثنين من العملاء وحدد أعمارهم و جنسهم وكل مواصفات شخصياتهم ووجه حملات دعائية خاصة بيهم زي مرضى السكر و متابعات الحمل ومرضى السمنة وتحاليل ما قبل الجواز و….
١٢- كلم الناس بالأسلوب اللي يفهموه.
١٣- صاحب عميلك عشان يرجع تاني العلاقات الشخصية اقوى من ١٠٠ اعلان.
١٤- اسمع من عميلك عند العودة لاستلام النتيجة تقييمه لتجربته الاولى في المعمل هتستفيد جدا من الملاحظات.
١٥- الطبيب المعالج هو المسئول الأول في تبليغ نتيجة التحليل بالطريقة اللي هو شايفها انت دورك تجتهد في تسليم نتيجة سليمة وحاول بس تطمئن المريض.
١٦- النظافة النظافة النظافة والتعقيم من أهم النقاط اللي بتروح عليها عين العملاء في مكان طبي.
١٧- ابعد عن النسبة وعمولات الدكاترة ابتغاء وجه الله صدقني بتفرق معاك على المدى البعيد.
١٨- راعي ربنا في معملك و في مرتبات كل اللي شغالين معاك أولا عشان ده حقهم ثانيا عشان تكسب ولائهم.
١٩- اعمل رقم للشكاوى خاص بيك عشان تسمع الشكاوى والملاحظات بنفسك من العميل.
٢٠- الصيانة الدورية للأجهزة وعمل كنترولات باستمرار أن شاء الله يضمن لحضرتك استمرارية جودة النتائج.
٢١- احصل على شهادات جودة لمعملك هيميزك عن غيرك من المعامل.
**تعديل**
شكرا لكل الناس الحلوة اللي كتبت كومنت بدعوة جميلة أو شيرت البوست عشان تزود الاستفادة أو طلبت تفاصيل زيادة لانهم كلهم اسعدونا بمرورهم الكريم.
إن شاء الله هنشرح كل نقطة بتوضيح بسيط عشان الاستفادة تزيد تابعونا….
لو احتاجت اي مساعدة تواصل معانا واحنا أن شاء الله نساعدك.
بست لاب -د.عماد حمدي
متخصصون ومتميزون
نتشرف أن نكون افضل شركة لتجهيز معامل التحاليل الطبية في مصر خصوصا فيما يتعلق بكل ما يحتاج معمل التحاليل الطبية من أجهزة أو كيماويات أو مستلزمات بالإضافة الي افضل عروض لتجهيز معملك
شركة بست لاب اول شركة متخصصة في تجهيزات معامل التحاليل الطبية في مصر والوطن العربي
كما تتشرف شركة بست لاب بحصولها على شهادات الجودة العالمية
ISO 9001:2015 , ISO 13485:2016
في مجالي الجودة والأجهزة الطبية المعملية بالتالي نحن ملتزمون بتقديم خدمات بمعاير جودة عالمية
العنوان: 21 ش المواردي القصر العيني القاهرة – مصر
تواصل معنا 01204757777
مواعيد العمل السبت الى الخميس من الساعة 11 ص- 7م الاجازة الأسبوعية يوم الجمعة
حمل تطبيق بست لاب الآن
