تسويق المعامل باستخدام الذكاء الاصطناعي AI

تسويق المعامل باستخدام الذكاء الاصطناعي AI
في المقال ده هنوضح لحضرتك احدث طرق اللي ممكن تستخدمها عشان تسوق لمعملك بالتوازي مع الثورة التكنولوجية الحديثة اللي بتتسابق خطواتها لابعد مما كنا نتخيل من عدة سنوات قليلة.
يعد التسويق الالكتروني حاليا هو الأداة السحرية للحصول على نسب تسويقية كبيرة من سوق المنافسة متفوقا عن باقي الطرق التقليدية التي أثبتت الدراسات أن الطرق التقليدية حاليا لا تتعدي ال ٢٥-٤٠ ٪ من إجمالي الخطط التسويقية الفعالة وهي نسبة في تناقص كل فترة.
كل ذلك يخص التسويق على وجه العموم أما عندما نتحدث عن التسويق الخاص بمعامل التحاليل الطبية فإن استخدام التسويق الالكتروني يعد أداة فعالة لعمل ما يعرف بحملات توعية المجتمع بالعلامة التجارية (اسم المعمل) وتعريف المجتمع المحيط باسم المعمل وخدماته خصوصا مع كثرة المعامل الطبية في الفترة الأخيرة وزيادة المنافسة.
كل اللي فات ده كان كلام نظري شوية
نتكلم بشكل بسيط وسهل وعملي.
ازاي تقدر تستخدم الذكاء الاصطناعي في التسويق لمعملك؟؟
اولا لازم نعرف أن الذكاء الاصطناعي وأدواته في تطور مستمر كل يوم ولازم نعرف اننا محتاجين نتعب شوية عشان نعرف يعني ايه ذكاء اصطناعي دي هسبها لحضرتك تبحث عنها بطريقتك.
المهم عندنا هنا احنا ازاي ممكن نستخدم ادوات الذكاء الاصطناعي المجانية أو المدفوعة في إنشاء حملة تسويقية لمعملنا؟
كتير من الأدوات اللي مطروحة حاليا مجانا ومتاحة في مصر اخيرا زي شات جي بي تي Chat GPT و Copilot الخاصين بشركة ميكروسوفت أو الذكاء الصناعي الخاص ب جوجل Gemini هيقدروا يوفؤو لحضرتك الكتير من المعلومات والمحتوى اللي ممكن تاخد منك ساعات في إعدادها بتخلص خلال دقائق واحيانا ثواني.
حضرتك تقدر تستخدم الادوات المجانية دي او اصداراتها المدفوعة في انك تكتب محتوى لصفحات السوشيال ميديا الخاصة بمعملك ونشرها بشكل متتابع عشان تحصل على ال Reach اللي يزود المتابعين لمعملك على السوشيال ميديا حضرتك تقدر تقسم الخطة التسويقية لعدة نقاط:
١- محتوي توعوي بمعلومات طبية موثقة وبشكل سهل وبسيط يسهل على المتلقي فهمه بمجرد كتابة سؤال على أحد ادوات الذكاء الصناعي مثال: ماهي فوائد شرب الماء لمرضى السكر؟ هتلاقي مقال كامل عن الموضوع بالمراجعة الطبية اللي بتشير إلى المعلومات بالمفال (وجب التنبيه أن بعض الأدوات يتم تحديث معلوماتها كل فترة زمنية كبيرة وقد تكون بعض المعلومات قديمة أو غير مكتملة فيجب مراجعة المعلومات جيداااا)
٢- محتوى تعريفي وهو جزء مهم في الحملات التسويقية وهو أننا نعرف العملاء اللي بنحاول نزود معلوماتهم بمقالات توعوية بالخدمات اللي بيقدمها المعمل زي إضافة جهاز جديد للمعمل أو مين هما الاستف في المعمل أو ايه التحاليل اللي بيقدر يقدمها المعمل وايه الأجهزة الموجودة بالمعمل وهكذا …
محتوى اعلاني دعائي وده هو الاستهداف المباشر للعميل وهو الاعلانات عن عروض المعمل الشهرية أو الموسمية يعني مثلا تخفيض بمناسبة عيد الأم شهر رمضان رأس السنة وكل المناسبات الاجتماعية وهنا الذكاء الاصطناعي يقدر يصيغ لحضرتك صياغة للاعلان ٨تساعد حضرتك في توصيل المعلومة بشكل احترافي باختيار كلمات وجمل بسيط تصل للعملاء بسهولة مثال: عايزين نعمل عرض لمعمل تحاليل بمناسبة عيد الأضحى يخص تحليل اليوريك اسيد واكل اللحمة وشوف النتيجة مع إضافة لمسات بسيطة من حضرتك هيكون عندك صياغة لإعلان ممتاز تقدر تنشره على صفحات التواصل الاجتماعي وتوصل لعملاء جدد .
الموضوع لم يتوقف على كتابة المحتوى فقط ولكن أيضا يمكنكم صناعة صور بالذكاء الاصطناعي AI وصناعة فيديوهات قصيرة و ريلز مع إمكانية. إضافة اسم المعمل ولوجو المعمل.
ومازال التطور في مجالات التكنولوجيا مستمر فقط إبداء بالتعلم وستجد نفسك تستطيع تطويع كل الأدوات الحديثة لتلبية افكارك واحتياجاتك.

بست لاب د.عماد حمدي
كتب في ١٢/٥/٢٠٢٤

#الذكاء_الاصطناعي #AI #تسويق_طبي #تسويق_معامل #تسويق_مختبر #تسويق_معامل_التحاليل #تسويق

شركة بست لاب د. عماد حمدي
متخصصون ومتميزون

نتشرف أن نكون افضل شركة لتجهيز معامل التحاليل الطبية في مصر خصوصا فيما يتعلق بكل ما يحتاج معمل التحاليل الطبية من أجهزة أو كيماويات أو مستلزمات بالإضافة الي افضل عروض لتجهيز معملك

 شركة بست لاب اول شركة متخصصة في تجهيزات معامل التحاليل الطبية في مصر والوطن العربي

كما تتشرف شركة بست لاب بحصولها على شهادات الجودة العالمية

ISO 9001:2015 , ISO 13485:2016

في مجالي الجودة والأجهزة الطبية المعملية بالتالي نحن ملتزمون بتقديم خدمات بمعاير جودة عالمية

العنوان: 21 ش المواردي القصر العيني القاهرة – مصر

شاهد العنوان علي الخريطة

تواصل معنا 01204757777

contact@best-lab.org

مواعيد العمل السبت الى الخميس من الساعة 11 ص- 7م الاجازة الأسبوعية يوم الجمعة 

حمل تطبيق بست لاب الآن