الحالة نايمة في معملك؟؟ تعالى اعرف الحل.

على رأي الهرم (فيلم الكيت كات)

هو عادي بس انا هنكر.

يمكن تكون الفترة دي صعبة شوية والحالة نايمة شويتين بس اللي لازم نعرفه أنها فترة ممتازة لبداية الدعاية الإلكترونية لمعملك على صفحة المعمل على الفيسبوك وامشي مع مبداء (لو العميل مجاش روحله انت) نشط صفحة المعمل بوستات علمية عن أهم التحاليل وبسط الشرح ليها مع صور جذابة للعين اعمل عروض مختلفة بين كل كام معلومة علمية عن التحاليل الطبية وحط عرض يعني كل ٤ معلومات حط عرض خلي المعلومات هي اللي غالبة على الصفحة العميل دائما بيحب ياخد ميديش.

اشترك باسم صفحة المعمل على جروبات الفيسبوك في منطقتك زي جروبات ( كراكيب المعادي – كل شئ للبيع في شبرا – اخبار العاشر من رمضان ) اعمل بحث على جروبات باسم منطقتك اكيد هتلاقي جروب او اتنين عليهم أعداد كبيرة استأذن ادمن الجروب وشير كل يوم بوست او اتنين. واحد فيه معلومة وواحد في عرض بس خلي بالك حافظ على الهوية البصرية عارف يعني ايه (الهوية البصرية) ؟؟ لا .. طيب انت شكلك هتتعبني بس مفيش مشكلة أنا عنيا ليك هديك نبذة سريعة .. الهوية البصرية هي توحيد شكل التصميم لصور البوستات وكمان الوان اللوجو (بتاع المعمل) وحجمه وموضع ظهوره ببساطة حافظ على تصميم موحد من حيث الالوان وموضع اللوجو وغير بس العنوان والمحتوي في وسط التصميم عشان يكون ليه علاقة بالمحتوى الكتابي البوست.

محتوي البوست نفسه ليه شروط بردو عشان يكون مؤثر وجذاب للناس عشان تقرأه. عارف ايه هي الشروط ولا ايه؟؟

لو مش عارف استنى البوست انهاردة على صفحتنا على الفيسبوك عشان تعرف التفاصيل www.fb.com/bestlab

الكلام اللي بنقوله ده والله بياخدوا دورات وكورسات في التسويق والدعاية بالساعات عشان يتعلموه وبيخروجوا منها مش عارفين يعملوا ايه بالظبط أو ازاي يطبقوا اللي درسوه على مجالات اعملهم المختلفة .. احنا هنجيب لحضرتك الخلاصة وكمان بالتطبيق على مجال دعاية معامل التحاليل الطبية في دقائق إن شاء الله. تابعونا